ಪೂಜೆ ಮಾಡೋಣ ಬನ್ನಿರೇ ll ಶ್ರೀ ತುಳಸಿಯ ll ಪೂಜೆ ಮಾಡೋಣ ಬನ್ನಿರೇ ll ಪ ll
ಪೂಜೆ ಮಾಡೋಣ ಬನ್ನಿ ಲಾಜ ದೂರ್ವಗಳಿಂದ ll ಜಾಜಿ ಮಲ್ಲಿಗೆ ರಾಜೀವ ಪುಷ್ಪಗಳಿಂದ ll ಅ. ಪ ll
ಹರದೇ ಶ್ರೀ ತುಳಸಿಗೆ ಸಾರಾವಳಿಯ ಉಡಿಸಿ ll ಹರಿದ್ರ ಕುಂಕುಮ ಗಂಧ ll ಮರುಗ ಮಲ್ಲಿಗೆ ಮುಡಿಸಿ ll 1ll
ಧೂಪಗಳನೆ ಹಾಕಿ ದೀಪವ ಹಚ್ಚಿಟ್ಟು ll ಶ್ರೀ ಪತಿ ಸತಿಗೀಗ ಪಾಕ ನಿವೇದಿಸಿ ll2ll
ತೆಂಗಿನ ಫಲ ಒಡೆದು ರಂಗನ ರಾಣಿಗೆ ll ರಂಗು ಮಾಣಿಕ ತುಂಬಿ ಮಂಗಳಾರುತಿ ಬೆಳಗಿ ll3ll
ಛತ್ರ ಚಾಮರ ವ್ಯಜನ ಪರ್ಯಂಕ ದರ್ಪಣ ll ನೃತ್ಯ ಗಾಯನಗಳ ಅರ್ತಿಯಿಂದಲಿ ಪಾಡಿ ll4ll
ನಾಗೇಶ ಶಯನನ ಭೋಗದ ಸತಿಯೇ ಬಾಗಿ ವಂದಿಸಿ ವರ ಬೇಡುವೆನಮ್ಮ ll 5 ll
*****
